«Tagoj de la diasporo en Ukrainio»

La Karavano akceptis organizi la aranĝon kvardek tagojn antaŭ ĝia komenco: la Ministerio pri Kulturo kaj Turismo proponis al ĝi anstataŭi la organizantojn, kiuj faris tion dum jardekoj. La kondiĉo de la Karavano estis libera mano pri la konceptoj de la simpozioj — de la titolo ĝis la programo.

Unu simpozio, por poetoj, dramverkistoj kaj literaturistoj de la ukraina diasporo, ricevis la titolon «Ukrainlingva arto kiel fonto de harmoniigo de la interna universo de la nuntempa ukraino» kaj okazis kun subteno de la movado «Sentu la guston de via gepatra lingvo». Gastojn el eksterlando necesis inviti, renkonti, loĝigi kaj nutri; tion faris precipe volontuloj.