Internacia festo «Ekologio de komunikado» kun Jean-Marc Leclercq

La Internaciaj informa kaj produktada agentejoj de la Karavano kreis ĉirkaŭ la vizito de Jean-Marc Leclercq (JoMo, Francio) tutan semajnon da eventoj — la «agadan vojkruciĝon» de la printempo 2007. La 25-an de aprilo: infana gazetara konferenco en la Kieva urba Domo de Naturo, gvidata de junaj ĵurnalistoj, kaj ronda tablo pri la parado de festivaloj Eko-Kulturo. La 26-an: ronda tablo «Ni preparas lingvan festivalon» en la Universitato Taras Ŝevĉenko kaj plantado de la Lingva aleo. La 27-an: prezento de la libro de Leclercq «Ukrainio» kaj senalkohola bufedo «laŭ la temo de ŝatata fabelo». La 28-an: la unua festivalo «Sentu la guston de via gepatra lingvo».

Anoncoj kaj intervjuoj aperis en Radio Kulturo, Radio Emanuelo, Molode Radio kaj Era FM. La sekvan jaron «Ekologio de komunikado» fariĝis Internacia Lingva Festivalo en pluraj ukrainaj urboj.